• اكتب معانا
  • ماتنسناش
  • تابعنا
Home

الموضوع اللي جاي

"مفيش كرامة لنبي في وطنه" .. 9 موسيقين مشهورين بره مصر

الموضوع اللي فات

ملوك الجاز العربي

10 أفلام هتخليك تقطع شرايينك

لو طالبة معاك نكد، خشّ برجلك اليمين

أحيانا كتير جدا بتكون أفضل طريقة للتخلص من المشاعرالحزينة هو إنك تعيّط،وتفرّغ كل مخزونك من العياط، مش إنك تكتمه جواك،صلاح جاهين بيقول:

"يا عندليب ما تخافش من غنوتك

قول شكوتك واحكي على بلوتك

الغنوة مش ح تموتك إنما

كتم الغنا هو اللي ح يموتك"

وعلشان كدةحضر مناديلك وطقوس فرجة الأفلام الخاصة بيك،وهنقدملك 10 أفلام متنوعة من جنسيات مختلفة، هتساعدك تتخلص من مخزون العياط اللي عندك.

1- Dancer in the Dark - 2000

فيلم دنماركي من أيقونات الدراما، اترشح للأوسكار والجولدن جلوب سنة 2001، وبيحكي عن واحدة من دول أوروبا الشرقية، بتسافر أمريكا سنة 1964 مع ابنها الصغير، ودماغها مليانة بأحلام أمريكا اللي بتشوفها في أفلام هوليوود، جرعة مشاعر عظيمة، وتمثيل وإخراج عبقري.

 

2- My Sister's Keeper - 2009

"نجينا من التجربة"
مين قال إن الصح والغلط حاجات ثابتة؟ مواقف كتير بنتحط فيها وصلت لدرجة من التعقيد تخلي كل الحلول فيها صح، وفي نفس الوقت كل الحلول غلط، قصة الفيلم بتتكلم عن موقف من دول بيحصل لعائلة أحد أفرادها مصاب بلوكيميا، وإنقاذ حياته بيعتمد على اختيارات فرد تاني.

 

3 - The Sea Inside - 2004

"ونحن نحب الحياة ما استطعنا إليها سبيلاً"
من يوم ما بنتولد وحربنا الأساسية هي حرب علشان الحياة، علشان نقدر نعيش، لكن تخيل لو في شخص قرر يخوض حرب علشان حقه في الموت الرحيم، (هتحتاج مناديل كتير خد بالك)
الفيلم أسباني، اتعمل منه نسخة هندي عظيمةباسم ""Guzaarish بطولة "هريتك روشان" و "آشوريا" وفيها جرعة رقص ومزيكا أكتر شوية، ومن قريب هوليوود كمان عملت النسخة الخاصة بيها من "الموت الرحيم" في الفيلم اللي كسر الدنيا ""Me before you بس مع جرعة رومانسية زيادة شوية، خلقت للفيلم جمهوره الخاص.

 

هنا:

هنا:

 

4 - بنتين من مصر 2010

لما تشوف الواقع اللي أنت عايشه فيلم سينما، المفروض يبقى تأثيره أقل عليك، لإن مفيش مفاجآت، لكن على العكس، اللي بيحصل إنك بتشوف كل الحاجات اللي قررت تتجاهلها علشان تقدر تعيش، كل الانكسارات والأحزان اللي بندوس عليها أو بنكنسها تحت السجادة-وماحدش هياخد باله- بنشوفها قدامنا بكل قبحها وآلامها. الفيلم المصري استحق عن جدارة جايزة أكتر فيلم "نكدي" في العصر الحديث، لدرجة إن أجزاء كتير من حواره اتعملت تراكات، الناس تسمعها وهي مخنوقة.

 

5- The Broken Circle Breakdown 2012

عارف الناس اللي الدنيا علّمت عليهم؟ أقصد حرفياً.
"إليسا" بطلت الفيلم قررت إن كل ما الحياة تعلم عليها تكتب ده على جسمها تاتو جديد، فرحها وحزنها وكل حاجة بقت في خريطة برسوماتها، بس العلامة الأخيرة كانت صعبة جدا، لما يادوب الحياة بدأت تضحك كل حاجة انهارت، وفقدت ثقتها في الحب وفي كل حاجة في الدنيا، الفيلم اترشح أوسكار عن أحسن فيلم أجنبي سنة 2014.

 

6- 2005 Black

باين من اسمه أهو، سواد وحاجة غامقة جدا، فيلم هندي بيحكي قصة بنت لا بتسمع ولا بتشوف ولا بتتكلم، وعالمها أسود جدا وحكايتها مع مدرسها، اللى بيلعب دوره أميتاب باتشن.

 

7-Schindler's List 1993

الفيلم من إخراج العظيم ستيفن سبيلبرج، بيحكي عن بولندا تحت الحكم النازي واضطهاد اليهود، كل المآسي اللي ممكن تتخيلها هتشوفها وأنت بتتفرج على الفيلم ده، وهيزيد من كآبتك لمّا تعرف إن الفيلم قصة حقيقية.لوعجبك الفيلم ممكن بعده تشوف"Sophie choice"، قصة أم بولندية عليها تختار يموت ابنها ولا بنتها، لو الفيلمين دول عجبوك ممكن تشوف"The pianist" أو "la vie e bella" عن قصص مشابهة. نقولك حاجة أحسن؟ إحنا ممكن نجهز List أفلام تخليك تعيط وتشتم في هتلر، ونطلع عليه كل مخزون الكآبة بقى.

 

8-Hotel Rwanda 2004

 الفيلم بيدور وقت الحرب الأهلية في رواندا بين قبيلتين "التوتسي" و"الهوتو"، وبيحكي عن فندق استضاف أكتر من 100 لاجئ من الفئة الأضعف وقتها "التوتسي"، هتتأكّد من كآبة الفيلم لما تعرف إن الحرب الأهلية دي اتقال بعد كدة إنها كانت إبادة جماعية.

 

9- A walk to remember 2002

جزء كبير جدا من أفلام النكد بيتعلق بالرومانسية، مرض طرف في العلاقة وعياط ووجع قلب بقى، بس لو مبتحبش الرومانسية يبقى ده مش ملعبك خالص، ولو بتحبها بنرشحلك في نفس السكة Sweet November  و The fault in our stars.

 

10-Anomalisa 2015

مش كل أفلام الكرتون ضحك ولعب ورقص، فيه منها دراما وعياط، الفيلم اللي اترشح لأحسن فيلم إنيمشين في أوسكار 2016، بيحكي عن الوحدة والحب والفراق بشكل عاطفي جدا، ولو طلبت معاك كارتون ممكن كمان تشوف Mary and Max  .

 

الموضوع اللي جاي

"مفيش كرامة لنبي في وطنه" .. 9 موسيقين مشهورين بره مصر

الموضوع اللي فات

ملوك الجاز العربي
Home
Home
خروجات النهاردة
 ساعة الحظ @ Sherlock Holmes Pub
بارات
12/11/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/11/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/11/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/11/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/11/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/11/2017
12:00pm - 12:0am
Sofitel El Gezirah Hotel
Home
Home