• اكتب معانا
  • ماتنسناش
  • تابعنا
Home

الموضوع اللي جاي

الداخلية بلغت النيابة بهروب حبيب العادلي

الموضوع اللي فات

6 أسماء تنفع للعملة المصرية بدل "الجنيه"

مخرج أول فيلم ناطق بالنوبية: "أنا مابعرفش اتكلم نوبي"

الممثلين كلهم من أهل البلد مش محترفين
انا اصلًا تافه، بس مش أوي يعني

لو جربت تعمل search على جوجل وكتبت بالعربي النوبة، وأنت متخيل إنك بتدور على مدينة صغيرة كل معلوماتنا عنها جاية من محمد منير، أو من مدينة غرب سهيل "السياحية" هتتفاجئ إن جوجل بيطلعلك نتيجتن، واحدة فيهم عن "النوبيين" القبائل اللي بتسكن السودان ومصر وعندهم لغة وحياة وعيشة كاملة، أو "بلاد النوبة" الحضارة الواسعة اللي شكلت جزء كبير من تاريخ مصر.

"أرض الدهب" مش مجرد اسم بيتقال على النوبة، لكن ده معنى اسمها باللغة المصرية القديمة فعلًا، وعلى مدار التاريخ عاشوا النوبيين مع المصريين، بس في الفترة الأخيرة اتهمشت النوبة واتهمشت قضيتها، وده اللي اتغير مع فيلم "جريدي"، أول فيلم ناطق بالكامل باللغة النوبية، ومخرجه محمد هشام اللي اتكلمنا معاه.

في بداية كلامنا غلطنا وقلنا "اللهجة النوبية"، اعترض "هشام" وقالنا إنها لغة كاملة مش مجرد لهجة. "اللغة النوبية" كانت مكتوبة وبيعرف يتكلمها كل النوبيين، لكن دلوقتي مع انتشار العربي وتعليمه في المدارس، مابقتش بتتكتب لكنها لسه بتتنطق وكل النوبيين بيتكلموا بيها، وصعب حد غيرهم يفهمها، وحسب ما التاريخ بيقول، إن من ضمن أسباب انتصارنا في حرب أكتوبر اعتمادنا على اللغة النوبية في تمرير الشفرات علشان ماحدش تاني هيقدر يفهمها.

المفاجأة بالنسبالنا كانت إن "هشام" مش نوبي أو ليه أصول نوبية خالص، ولكنه مؤمن بالقضية وعايشة جواه. مالاقاش المخرج وصاحب الفكرة حاجة يقولهالنا عن الفكرة جت ازاي، لأن ماحدش عارف الأفكار بتيجي منين، ولكنه حكالنا عن شغله في الفيلم، سنة ونص فضل يننزل "هشام" لأرض النوبة يعرف كل حاجة عنها ويراقب التصرفات ويعرف طريقتهم ويحفظ الأماكن ويحدد أماكن التصوير.

قصة الفيلم عن طفل نوبي صغير بيخاف من المية ونفسه يوصل لصخرة وسط النيل، رغم إن كل حياة النوبيين في المية ومابيخافوش منها، وعلاقة الطفل براجل عجوز لسه بيعيش حلم العودة لأراضي النوبة، وازاي الطفل اتغلب على مخاوفه، والحكيم بينقل تاريخه. أما "الجريدي" اللي هو اسم الفيلم، هو مركب صغيرة بيصنعها النوبيين بإيديهم وبيستخدموا "الشبشب" كمجداف، ومش بيفرق معاهم لو مخرومة أو فيها مشكلة، لأنهم كلهم عايشين في النيل طول الوقت وبيعرفوا يعوموا. 

لما قرر المخرج يختار الممثلين كان عايز الفيلم يبقى طبيعي، مافيهوش ادعاء أو حفظ للغة معينة، وعلشان كدة كل الممثلين ماكنوش محترفين ولا هواة حتى، لكنهم أشخاص من أهل القرية النوبية بالفعل، وده كان تحدي لـ"هشام" علشان يخليهم مايخافوش من الكاميرا ويتكلموا زي كلامهم في الحياة الطبيعية.

اتكتب الفيلم كله بالعربي، وبعد كدة جت مرحلة تحويله للنوبية، ولأن المخرج مابيعرفش نوبي خالص، كتبه بطريقة "الفرانكو" -حروف إنجليزي بنطق نوبي- لكن الطريقة دي فشلت، ففكر "هشام" في طريقة تانية، بيحكيلنا: "سجلت الإسكريبت كله صوت وملفات أوديو، وبقيت وأنا بوجه الممثلين بشغل التسجيل وأقولهم هتقولوا زي الحتة دي، وأنا مش فاهم بس هما عارفين معنى الكلام وسكوته". الطريقة دي كانت مبهرة بالنسبالنا، لأنها طبعًا كانت صعبة في المونتاج، بس المخرج اتمكن من إنه يحفظ نقلات الكلام وسكوته وقطعاته علشان يعرف يقطع فيلمه صح.

"جريدي" أخد وقت طويل –نسبيًا- في التصوير، لاستحالة التصوير في الصيف في النوبة، ولأن "هشام" عايش بره مصر، فكان بيجي ويسافر النوبة للتصوير ويرجع تاني، لكنه في النهاية خرج أول فيلم مصري قصير ناطق بالكامل باللغة النوبية.

الفيلم لف مهرجانات جوّه وبرّه مصر. في البداية الناس ماكنتش فاهمة يعني إيه فيلم نوبي "بالكامل"، لكن بعد شوية فهموا إنها لغة مستقلة بذاتها وليها خصوصيتها. الفيلم كسب جايزة أحسن تصوير ومونتاج في مهرجان لندن السينمائي سنة 2016، واتعرض في أكتر من مكان جوّه مصر، لكنه لسه ماتعرضتش في النوبة ولا عرفنا ردود أفعالهم عليه.

أغنية الفيلم غنتها "غالية بن علي" بالعربي وبالنوبي واتعملها كليب كمان.

الموضوع اللي جاي

الداخلية بلغت النيابة بهروب حبيب العادلي

الموضوع اللي فات

6 أسماء تنفع للعملة المصرية بدل "الجنيه"
Home
Home
خروجات النهاردة
بوفيه هندي @ ميراج كافيه
أكل
12/16/2017
12:00pm - 12:0am
JW Marriott Hotel Cairo
 ساعة الحظ @ Sherlock Holmes Pub
بارات
12/16/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/16/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/16/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/16/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/16/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/16/2017
12:00pm - 12:0am
Sofitel El Gezirah Hotel
Home
Home