• اكتب معانا
  • ماتنسناش
  • تابعنا
Home

الموضوع اللي جاي

بطلة أفريقيا لرفع الأثقال في الشارع بعد قرار إخلاء بيتها

الموضوع اللي فات

وزيرة الهجرة: أعداد المصريين في قطر 300 ألف وعندنا فرص عمل ليهم

تفويلة: مرشدة سياحية ومخرجة كارتون عاملين عربية فول في الرحاب

لو لقيت عربية فول منورة جمبها السكوترز، وكراسي من كاوتش العربيات ومزيكا تسعيناتي عند بوابة 20 في الرحاب، دول تفويلة
بطيخ أكثر من هذا سوف يأتي، بطيخ أكثر من هذا سوف يمر

لو أنت من سكان الرحاب، ممكن الصبح مع أول ضوء للشمس تشوف بنتين راكبين سكوترز وبيتحركوا في اتجاه شروق الشمس، وابتسامتهم مالياهم سعادة، يمكن تهز راسك وتبتسم في رضا بسبب إنك شوفت لحظة سعادة لاتنين من البشر مع لحظة سعادة للأرض المتمثلة في شروق الشمس، لكن عمرك ما هتتخيل إن سبب سعادة البنتين دول متجسد في عربية فول عند بوابة من بوابات الرحاب.

الإنسان في بحث دائم عن الحاجة اللي تخليه يصحى من النوم مبسوط كل يوم، الساعة 12 الضهر، "هايا" و"ماهي" بيصحوا من النوم مبسوطين، هايا بتقول "أنا كنت بحاول أعمل حاجة بحبها، وأنا بحب المطبخ جدًا، أنا أصلا فيجان ودورت على أكتر حاجة الناس تشاركني فيها، قولت طبعًا فول وطعمية وبطاطس، مافيش حد ما بياكلهمش".

بتبتدي "هايا" على الساعة 2 تنزل علشان تجيب الخضار ومستلزمات العربية، بتختار أفضل خضار، حبات العرق تنزل على عينيها والأكياس تقيلة في إيديها، ما بين حر الصيف وحر الصيام، لكن رغم ده مش متضايقه ولا تعبانة، حاسه إنها بتعمل حاجة بتبسطها، بالتالي بتنبسط.

"ماهي" بتصحى من النوم بعد ما تكون ظبطت الحسابات بتاعة اليوم اللي خلص، تنزل تشتري كراتين البيض، وتطلع على بيت أختها تسلقهم، وتحضر باقي حاجات العربية، "هايا" بتقول" أنا موسوسة بالنضافة علشان كده بحب أعمل أكلي بنفسي، ولازم اختار كل الخضار اللي في الأكل علشان ابقى مطمنة". على الفطار بيكونوا جهزوا كل الحاجات بتاعة العربية، يفطروا بعدين يكيسوا الحاجات، ويتحركوا على العربية، يخرجوها ويستعدوا ليوم جديد.


الموضوع ابتدى لما "هايا" و"ماهي" فكروا يعملوا موضوع ليه علاقة بالأكل بما انهم هم الاتنين بيحبوا المجال ده، كانوا عاوزين في الشتا يعملوا عربية "بليلة وحمص الشام"، بس بما إنهم ماكنوش عارفين يبتدوا ازاي بالظبط، فالموضوع أخد منهم وقت طويل علشان يعرفوا إيه التصاريح وازاي يجيبوا العربية والموردين اللي هيجيبوا منهم أفضل مكونات للأكل بتاعهم، لكن لما لقوا رمضان بيقرب فده حمسهم يبتدوا، وكان طبيعي يختاروا أكتر حاجة مناسبة لرمضان اللي هي "عربية الفول"، لكن بعد رمضان هيرجعوا تاني لمشروع "البليلة وحمص الشام"

"هايا" بتقول: "في أول يوم، أول حد وقفلنا كانت الفنانة الجميلة "ألفت إمام" علشان شافتنا واحنا بنضف بعدين لفت ورجعتلنا تاني لقتنا برضه لسه بنضف، أول كومنت قالته "أنتوا لحستوا العربية كفاية نضافة"، الناس كانت بتعدي تشوف الحاجة شكلها إيه، الدنيا ماشية ازاي". طبعا كانوا خايفين من فكرة إنهم بنات وتقبل المجتمع للموضوع، علشان كده قرروا العربية تبقى في الرحاب. "ماهي" بتقول "أهل الرحاب والتجمع أغلبهم بيفكروا بشكل مختلف، هيتقبلوا فكرة إننا بنات، وهيبقوا open minded بشكل أكبر، خصوصا إن كمان الستايل بتاعنا مش ستايل عربيات الفول التقليدية، فمش هيبقى فيه تعليقات سخيفة".

"هايا" بتقول: " الرحاب قريبة من أماكن كتير زي مدينة نصر والتجمع وفي ناس بتجيلنا من العبور، أول يوم كان في فوج معدي كانوا جايين من السويس وخلاص فاضل ع السحور نص ساعة، اتسحروا، تاني يوم بعتولنا ناس، احنا وصلنا السويس قبل ما نوصل الرحاب، سواقين التريلات كمان زباين عندنا، في 5 أو 6 تريلات كل يوم ياخدوا ساندوتشات ويكملوا طريقهم". أكتر حاجة الناس بتحبها وبتطلبها عندهم طبعًا بعد "الفول" هو "البيض المدحرج"/"بيض زغاليل"، الجبنة بقوطة أول حاجة بتخلص، والطعمية لازم تلحقها وهي لسه طالعة من الزيت.


"ماهي"و"هايا" عرفوا بعض عن طريق ال Community بتاع السكوتر، "ماهي" خريجة معهد سينما، قسم إخراج وتحديدًا في الأنيمشن، اشتغلت في أغلب استديوهات الأنيمشن في مصر، واشتغلت في مسلسلات مشهورة زي سوبر هنيدي وعيادة الأستاذ أمين، بعدين بطلت تشتغل تجاري وبقت بشتغل فري لانس، وجمبه بشتغل مع جوز أختها اللي عنده مصنع بيعمل مستحضرات تجميل للحيوانات الأليفة، ماسكه فيه ال PR، ودلوقتي العقل المدبر وماسكه حسابات العربية. "هايا" كانت مرشدة سياحية، وبعدين بقت مساعدة في عيادة أسنان، وحاليًا أحلى أسطى على عربية فول.


تقدر تعرف أكتر عنهم من صفحتهم على الفيسبوك تفويلة

لو أنت من سكان الرحاب، أو حتى مش من سكان الرحاب (أوعدك أيا كان مكانك المشوار يستاهل) تقدر تلاقيهم قدام بوابة رقم 20 من بوابات مدينة الرحاب، هتلاقي عربية فول منورة جمبها السكوترز، وكراسي من كاوتش العربيات ومزيكا تسعيناتي، كل وادعيلي.

الموضوع اللي جاي

بطلة أفريقيا لرفع الأثقال في الشارع بعد قرار إخلاء بيتها

الموضوع اللي فات

وزيرة الهجرة: أعداد المصريين في قطر 300 ألف وعندنا فرص عمل ليهم
Home
Home
خروجات النهاردة
 ساعة الحظ @ Sherlock Holmes Pub
بارات
12/11/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/11/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/11/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/11/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/11/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/11/2017
12:00pm - 12:0am
Sofitel El Gezirah Hotel
Home
Home