• اكتب معانا
  • ماتنسناش
  • تابعنا
Home

الموضوع اللي جاي

رامي سرّي يقود أول مسابقة Battle of the Wheels في مصر

الموضوع اللي فات

الابتهال والصفاء والضجة : ٧ مصورات مصريات شابات

"عندما يقع الإنسان في مستنقع أفكاره فينتهي به الأمر إلى المهزلة" فيلم جديد!

فيلم جديد من انتاج "فيلم فاكتوري" ، هل دي بداية تريند جديد لأسماء وجودية وفلسفية تتصدر أفيشات الأفلام
بطيخ أكثر من هذا سوف يأتي، بطيخ أكثر من هذا سوف يمر

المخرج العظيم "محمد خان" في سيرته الذاتية "مخرج على الطريق" اتكلم عن أسماء الأفلام العربي وازاي بدأت بسيطة جدا مكونة من كلمة واحدة أو كلمتين على الأكتر زي "العزيمة" ، "الساعة 7"، وتحولت بعد كدة لاتجاه فلسفي زي "الحب قبل الخبز أحيانا" أو "على من نطلق الرصاص" أو "ولكن شيئا ما يبقى". في السبعينات وتحديدا 1973- 1974 اتجهت السينما إنها تفتش عن المرأة، فظهرت عناوين أفلام "امرأة من القاهرة" و"امرأة عاشقة" و "لعنة امرأة". كان برضه في فالنص موضة الأفلام اللي بتتسمى على اسم الممثل، زي مجموعة أفلام إسماعيل يس وليلى مراد. موسم 1955-1956 كان موسم الحب.. "في سبيل الحب" و "ليالي الحب" و "ربيع الحب"، "قصة حبي" و"حب وإعدام" و"حب ودموع" وقريب كان فيه تريند الحمد لله إنه خلص -أو ده اللي بتمناه- متخصص في تحوير أسماء أفلام وأغنيات قديمة زي "كلبي دليلي" و "إذاعة حب" و"الرجل الغامض بسلامته" و"العيال هربت" و"حبيبي نائما".

واضح إن عمرو سكر وأحمد سعد وأحمد كامل هيبدأوا تريند جديد لأفلام ما بعد الحداثة بعنوان فيلمهم الجديد "عندما يقع الإنسان في مستنقع أفكاره فينتهي به الأمر إلى المهزلة". شخصيا أنا متحمس للفيلم لإني بحب سيناريوهات الثلاثي وأفكارهم اللي لا تخلو من تويستات سايكو محببة للنفس. الفيلم كوميدي ساخر، بتدور أحداثه حوالين تلات شباب من ثقافات مختلفة بيتقابلوا صدفة خلال رحلة متجهة للبنان وتتوالى الأحداث، بطولة بيومي فؤاد، محسن منصور، أحمد فتحي، محمد سلام، محمد ثروت، وهايا إبراهيم، وهو من إخراج شادي علي، ومن إنتاج "فيلم فاكتوري" لممدوح السبع. خوفي الوحيد نلاقي أفلام بأسماء وجودية لمواكبة التريند وحد يسميلنا مثلا "أخبروني ألا أبكي على اللبن المسكوبِ ولكن عندما انسكب اللبن أخذت في البكاء من مطلع الصيف حتى نهاية الشتاءِ"، ألشة وحشة أنا عارف بس ماقدرتش أمنع نفسي.




الموضوع اللي جاي

رامي سرّي يقود أول مسابقة Battle of the Wheels في مصر

الموضوع اللي فات

الابتهال والصفاء والضجة : ٧ مصورات مصريات شابات
Home
Home
خروجات النهاردة
 ساعة الحظ @ Sherlock Holmes Pub
بارات
12/11/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/11/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/11/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/11/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/11/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/11/2017
12:00pm - 12:0am
Sofitel El Gezirah Hotel
Home
Home