• اكتب معانا
  • ماتنسناش
  • تابعنا
Home

الموضوع اللي جاي

المخرج بيتر ميمي لصناع مسلسل "لأعلى سعر": "منكم لله"

الموضوع اللي فات

14 اكاونت انستجرام هتشوف فيهم مصر بشكل تاني

نوكيا هتعمل موبايلات "اندرويد" لأول مرة

أحدث تكنولوجيا مع ذكريات زمان
بنقرأ ونسمع مزيكا ونضحك ونعيط ونرقص ونغني ونهزر ونتخانق .. عشان في الاخر نكتب! لوالموضوع حلو ادينا نشرناه، ولو وحش محدش هيعرف مين كتبه ..

فاكر أول موبيل مسكته وانت طفل؟ غالبا كان نوكيا .. ترن وتقفل بسرعة عشان تمن الدقيقة، تدخل النغمات وتطلع إبدعاتك، ولا يمكن تنسى إنك كنت ترميه في الحيطة يرد ليك وميتكسرش، ويفضل بالايام ميفصلش شحن .. كل دي حاجات افتقدناها لما بقى في ايدينا "سمارت فون" بماركات تاني، لكن نوكيا قررت ترجع مصر بقوة بموبايلات جديدة فيها كل المميزات والإمكانيات مع نفس مميزات زمان وذكرياته. 

شركة HMD العالمية أعلنت عن 3 موبايلات نوكيا سمارت فون "اندرويد" هيكونوا متاحين للبيع في مصر في شهر يوليو، هيجمعوا بين تكنولوجيا الحاضر وأصالة زمان. لما عرفنا الإعلان ده روحنا حضرنا المؤتمر عشان نسمع اكتر عنهم وهناك عرفنا كل تفاصيلهم اللى خلتنا مستنيين ميعاد إطلاقهم.

Nokia 6 : شيك واحدث تكنولوجيا

الموبيل كله مصنوع من الألمونيوم وده بيخليه مسكته في ايدك شيك وشكله حلو، شاشته 5.5 إنش فتعرف تشوف عليها كل حاجة HD، فيه سماعتين بيكبروا الصوت عشان لو عايز تسمع أنت وأصحابك مزيكا ولا حتى فيلم متضطرش تجيب سماعات كبيرة، وطبعا ألوانه واضحة وقوية بمعالج التشغيل 430 Qualcomm® Snapdragon و 505 معالج رسومات الخاص بQualcomm® Adreno™. 

 Nokia 6 فيه منه 4 ألوان الأسود والفضي والأزرق والنحاسي، احنا شخصيًا هنختار "الأزرق" عشان هيفكرنا بموبايلات نوكيا القديمة.

الموبيل ده هينزل منه نسخة تانية خاصة لونها أسود بس "لزوم الشياكة" هيشيل لحد 64 جيجا بايت مع رامات 4 جيجا، يعني مش هتشتكي ابدًا من كتر الابليكشينز على موبايلك.

Sky news كانت قالت بعد اعلان إطلاقه إنه هينافس "ايفون 7" بسعر أقل كمان.

Nokia 5 : بطارية تعيش وكاميرا مش هتسيبها من ايدك.

عشان نوكيا مقررة تدينا شكل حلو، فهو برضه مصنوع من الألمونيوم 6000، الشاشة مصنوعة من ازاز قوي، وأهم حاجة بقى البطارية هتعيش معاك ومش هتفصل كل شوية، يعني هتقدر تستخدمه طول اليوم من غير ما تشتكي من بطارية أو إمكانيات ضعيفة.

الكاميرا الأمامية 8 ميجا بيكسل مع زاوية عرض 84 درجة، عشان تجيبلك كل حاجة بوضوح ومحدش يخرج بره الكادر، وتلقط الشمس وتديك إضاءة حلوة لو اللى حواليك ضلمة. غالبا لو مسكت في ايدك موبايل نوكيا 5 مش هتبقى عايز تسيبه زي ما حصل معانا. الموبيل فيه منه 4 ألوان هى الأسود والفضي والأزرق والنحاسي.

Nokia 3 : سعر قليل ومميزات جديثة

المشكلة الأكبر اللي كلنا بنعاني منها بقى هى الفلوس، وعشان كده نوكيا قدمت نوكيا 3 اللى مصنوع من الألمونيوم وفيه كاميرا خلفية وامامية 8 ميجا بيكسل، وشكله شيك وميفصلش وليه 4 ألوان هى الأسود والفضي والأزرق والنحاسي، وبسعر مناسب لكل الناس. ده هيبقى اختيارنا لو عايزين موبايل بسعر قليل وإمكانيات اكتر.

الـ3 موبايلات دول هيكونوا إندرويد بنسخه المختلفة والحديثة، وتقدر تخليهم على وضع "النعاس" أو sleep mode عشان توفر من البطارية لو سايب الموبايل في جيبك ومش محتاجه، وكل شهر هيتم تحديث نظام الحماية عشان موبايلك يفضل في أمان. ده غير إن نوكيا متعاونة مع جوجل عشان تقدر تستخدمه بشكل سهل. 

نوكيا 3310 أيام الزمن الجميل

المفاجأة بقى رجوع موبايل نوكيا 3310 بحجمه الصغير اللى تحطه في جيبك ومحدش ياخد باله منه ولا يتسرق. لما سمعنا الخبر ده مصدقناش وافتكرنا كل ذكريات الطفولة.

الموبايل راجع بلعبة Snake عشان ترجع تعمل new score انت واصحابك من غير ما تسحب من البطارية زي العاب النت، كمان تقدر تحط فيه خطين، مع كاميرا 2 ميجا وكارت ميموري 23 ميجا. 

أوقات بنسيب موبايلاتنا "السمارت" ونمسك موبايل صغير عشان نرتاح من التكنولوجيا الزايدة فلو أنت زينا زهقان منها، ده لازم يبقى اختيارك عشان تستمتع بايام زمان وامكانيات دلوقتي، مع راديو FM ومشغل اغاني MP. 

ألوان 3310 هتكون الأزرق "بتاع زمان"، والرمادي، والأصفر، والأحمر.

 

ميعاد إطلاق كل الموبايلات هيكون 15 يوليو الجاي.  

 

الموضوع اللي جاي

المخرج بيتر ميمي لصناع مسلسل "لأعلى سعر": "منكم لله"

الموضوع اللي فات

14 اكاونت انستجرام هتشوف فيهم مصر بشكل تاني
Home
Home
خروجات النهاردة
بوفيه هندي @ ميراج كافيه
أكل
12/16/2017
12:00pm - 12:0am
JW Marriott Hotel Cairo
 ساعة الحظ @ Sherlock Holmes Pub
بارات
12/16/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/16/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/16/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/16/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/16/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/16/2017
12:00pm - 12:0am
Sofitel El Gezirah Hotel
Home
Home