• اكتب معانا
  • ماتنسناش
  • تابعنا
Home

الموضوع اللي جاي

سعودي بيعمل "عمرة" لترامب وبيدعوه للإسلام

الموضوع اللي فات

قرية "تونس" في الفيوم هتتقفل

هي البنات مابقيتش عاوزة تخلف؟

احنا اتغيرنا خالص يا لينا
صحفي مصري. مُدمن كورة، بحب الثورة وليفربول، وبكره مانشيستر يونايتد

البنت بتتولد، تكبر، تتجوز وتخلف. ده دورها اللي بيتزرع في مخها من وقت ما بتكون طفلة، سواء عن عمد أو بدون عمد. مافيش بنت في طفولتها ماكانش عندها عروسة بتلعب بيها وتأكلها وتغيرلها، ومافيش أم غير وقالت لبنتها نفسي افرح بيكي وأشوف ولادك. بص حواليك شوف نسب الأمهات القصر أو اللي بيتسربوا من التعليم علشان خلاص آن الأوان يتجوزوا ويخلفوا. دينا عبدلله في فيلم "الحفيد" كانت عاوزة تتجوز بس تخلي جوزها هو اللي يخلف. دلوقتي في حاجات كتير اتغيرت، وبقى في بنات مستعدين يتنازلوا عن غريزة الأمومة لأسبابهم الخاصة.

السيدات العاملات نسبتهم بتزيد كل يوم، سواء لرغبة الستات في الشغل وإثبات نفسهم، أو حتى بسبب الظروف الاقتصادية اللي معاها مابقاش ينفع شخص واحد يشيل حمل مصاريف البيت؛ خط الفقر بقى بيضم أكتر من 27% من الأسر. لكن ده مش عائق، في دكاترة وخلفوا، ومدرسات مخلفين، ومهندسات وعاملات وراقصات وفنانات وسيدات أعمال، والبنات اللي اتكلمنا معاهم كان عندهم أسباب أكتر من الكارير المهني.

لو هندي البنات اللي اتكلموا معانا ألقاب فهنخليهم "س – ص – ع – ك – ل" علشان دي أكتر حروف كنت بستخدمها في مادة حساب المثلثات. ما علينا. أغرب إجابة سمعتهاالناهؤال مش عاوزة تخلفي ليه، كانت: هقولهم إيه؟ ودي اتكررت مرتين من بنتين. في أصوات نسائية مش عاوزة تخلف علشان هيقولوا لولادهم إيه؟ هيقولولهم إيه الصح وإيه الغلط؟ هيفسرولهم ازاي إن مافيش حد أدنى من الأمن والحرية والتعليم والثقافة في المكان اللي هما اتولدوا فيه؟ هيقولولهم في ربنا ولا لأ؟  طب في حكومة ولا مافيش؟ ليه ممكن أي حد يمد إيده عليكي في الشارع؟ وليه أخلف ولاد في مكان زي ده أصلًا؟ طب هي مش تبقى حاجة أنانية لو خلفت ولاد في ماسورة المجاري دي؟

سمعت إجابات على سؤالي شوفتها منطقية جدًا وماعرفتش أرد أو أقول كلام عكس كدة. من كام يوم في طفل انضربت عليه رصاصة طايشة وهو واقف في محل أكل، وكل يوم في كام طفل أو شخص بيموت في حوادث طرق أو مستشفيات غير مجهزة؟ هنا مافيش حقوق، مافيش بديهيات! البلد محتاجة أجيال جديدة تحسنها؟ ولا محتاجة ناس أكتر تطفش منها؟ "س" قالتلي: "أنا مش قادرة أعيش هنا ومش عارفة اتماشى مع حياتي، أجيب حد تاني أحشره معايا هنا ليه؟ و"ص" قالتلي إنها عاوزه تتجوز الولد اللي بتحبه، بس مرعوبة من فكرة إنها مسؤولة عن تكويين وعي وحياة شخص تاني، ومرعوبة أكتر من إنها تعمل ده في أم الدنيا!

"ع" كان ليها رأي تاني "الموضوع جوايا متقسم لأكتر من سبب، ومش من ضمنهم الفلوس وظروف البلد وحتى لو سافرت أعيش في أي مكان تاني، مش عاوزة أخلف". الكلام اللي فات على لسانها، واللي جاي كمان على لسانها، البعض هيشوفه أنانية والبعض هيشوفه حق. "ليه أدي حياتي كلها لشخص تاني؟! مش عاوزة حياتي كلها تبقى عبارة عن طفل وكل همي إنه يبقى بياكل وبيشرب وبيضحك ويلعب، مش عاوزة جسمي يبوظ. بوستات الأمهات على الفيسبوك بتنرفزني جدًا". صاحبة الرأي كانت ليها تجربة ساهمت في تشكيل رأيها ده "ليا صاحبات اتجوزوا وخلفوا بعد سنة من الجواز، حياتهم وقفت تمامًا وماوصلوش لربع اللي كانوا بيحلموا بيه في حياتهم وشغلهم، حتى لو بقوا مبسوطين"

بنتين "ك – ل" كانوا متقبلين فكرة إنهم يخلفوا، لكن لازم الظروف تكون أحسن علشان يعملوا ده، ومستحيل يخلفوا بعد الجواز على طول. طب والرجالة؟ لو الراجل لقى البنت اللي عاوز يتجوزها ضد الخلفة، سواء ضدها من بابها أو حتى مش ضدها بس مش عاوزة دلوقتي؟ لو الرجالة شافوا تخوفات البنات ورفضهم نوع من الأنانية، هل من حق البنات يشوفوا رغبة الراجل في تكوين أسرة على حساب حياتهم وجسمهم وتخوفاتهم أنانية؟ طب الرجالة هما كمان خايفيين عيالهم يتظلموا أو مايتعلموش كويس ويعيشوا حياة صعبة ولا بالنسبالهم العيل بييجي برزقه؟ شخصيًا خايف أخلف هنا، وممكن أكون مش عاوز. من محيط أصحابي ودوايري المقربة، فماحدش مش عاوز يخلف، لكن مافيش مانع نتبسط كام سنة كدة في الأول بعدين نفكر في العيال.

الأفكار والآراء اللي فاتت دي وارد تتغير، وارد بعد سنة ولا اتنين الظروف تتحسن فاللي خايف يخلف يتشجع، أو حتى يخلف بس برّه مصر، وجايز لأ. اللي تقدر تقوله إن بقى في بنات مش شايفة نفسها في اللي كل الناس شايفاهم فيه، وبنات تانيين قادريين يقولوا لأ احنا عاوزين نعيش حياتنا ونحافظ على جسمنا، من غير ما يخافوا يتوصفوا بالأنانية أو الضحالة. وسواء علشان جسمهم أو حياتهم أو كاريرهم، ففي بنات مابقيتش عاوزة تخلف!

الموضوع اللي جاي

سعودي بيعمل "عمرة" لترامب وبيدعوه للإسلام

الموضوع اللي فات

قرية "تونس" في الفيوم هتتقفل
Home
Home
خروجات النهاردة
بوفيه هندي @ ميراج كافيه
أكل
12/16/2017
12:00pm - 12:0am
JW Marriott Hotel Cairo
 ساعة الحظ @ Sherlock Holmes Pub
بارات
12/16/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
12/16/2017
12:00pm - 12:0am
Ramses Hilton Hotel
تخت شرقي @ الكبابجي
أكل
12/16/2017
7:30pm - 11:00pm
Sofitel El Gezirah Hotel
برياني @ مهراجا
منوعات
12/16/2017
4:00pm - 7:00pm
Ramses Hilton Hotel
تخت شرقي @ La Palmeraie
أكل
12/16/2017
7:30pm - 11:00pm
Sofitel El Gezirah Hotel
قضي يوم @ سوفيتيل الجزيرة
منوعات
12/16/2017
12:00pm - 12:0am
Sofitel El Gezirah Hotel
Home
Home