• اكتب معانا
  • ماتنسناش
  • تابعنا
Home

الموضوع اللي جاي

ملكة جمال المانجة.. مسابقة جديدة في محافظة الإسماعيلية

الموضوع اللي فات

المجلس الأعلى للإعلام: "مافيش مسلسل هو الأعلى مشاهدة"

التحرش في رمضان.. حكاوي البنات كل يوم

حرام عليكي احنا صايمين يا كافرة

مافيش في مصر بنت ماتعرضتش للتحرش بأنواعه، لفظي أو جسدي أو حتى لو كان مجرد نظرة، وفقًا لإحدى الإحصائيات 98% من بنات مصر اتعرضوا للتحرش، يمكن ده علشان الـ2 % الفاضليين ماكانوش بينزلوا من البيت. التحرش والمضايقات مابتقفش في رمضان، وبيزيد عليها حجة إن رؤية البنات "بتفطر" ولازم يتم محاربة ده. ولأن الفكرة "مستفزة" لينا، اتكلمنا مع بنات يحكولنا عن ده أكتر.

"سارة" افتكرت وقت ما كانت ماشية في الشارع و ظهر واحد –حسب وصفها- "بجلابية ودقن" خبطها بإزازة رمل وخبط دماغها في إزاز عربية وهو بيقول "حسبي الله ونعم الوكيل، اتقوا الله يا كفرة احنا في رمضان"، "سارة" خافت وجريت خصوصًا لما اكتشفت إن راسها اتعورت وتقرير الدكتور طلع إن عندها كدمات شديدة.

بعد الحادثة، نشرت سارة صورها على "تويتر" علشان تثبت كلامها، والردود اتنوعت بين ناس شايفينها غلطانة وناس بيساندوها، لكن هي ردها كان "أنا كنت لابسة تيشرت نص كم طويل وواسع ومقفول وفوقه جاكيت طويل وبنطلون جينز عادي، وشعري ملموم". رد "سارة" وضح إن نسبة كبيرة من البنات بقت تخاف يتقال إن لبسها السبب، رغم إن حقهم يلبسوا زي ما هما عايزين. BBC  عملت دراسة على 2000 راجل وست مصريين وأكتر من 100 أجنبية، وكان النتيجة 62 % من الرجاله اعترفوا إنهم متحرشين و83 % من الستات اتعرضوا لتحرش، ونصهم بيحصلهم ده يوميًا.

الحكاية التانية كانت من "نورهان" اللي اتفاجئت بتعليق مجموعة أولاد عليها هي وأصحابها "يا نهار تحرش"، ولما حاولوا يهربوا من ده اتفاجئوا أكتر إن اترفع عليهم مطاوي، "لما صوتنا والناس اتلمت الولاد جريوا" بتقولنا "نورهان" اللي بترجع وتحكي إن مافيش حد اتدخل رغم إن أكبر بنت فيهم كانت ماتعديش 16 سنة. إحصائية بي بي سي كمان قالت إن 2.4% من الستات بيبلغوا عن حالات التحرش، أما الباقي مابيبلغش، يمكن بسبب الخوف أو ليقين إن كده كده حقهم مش هيجي.

"هدى" اتحرش بيها راجل حسب وصفها "قد أبوها" والناس كانت بتتفرج وماحدش اتكلم، "لما دافعت عن نفسي وضربته حد قالي ليه كده يا بنتي احنا في رمضان". كل الحكايات دي ممكن كلنا نحكي زيها بكلمات شبه "احنا في نهار رمضان"، "اللهم إني صائم"، "استغفر الله العظيم"، "احنا في نهار رمضان". ورغم ده الإحصائية بتقول إن 53 % من الرجالة شايفين إن البنت هي السبب في التحرش علشان لبسها.

مصر فيها قانون بيفرض عقوبات من 6 شهور لـ5 سنين وغرامة بتوصل لـ50 ألف جنيه كعقوبة لجريمة التحرش، بس لسه نسبة البلاغات قليلة وبالتالي القانون مش مفعل كما يجب. الأسماء المستخدمة في الموضوع مستعارة حفاظًا على هوية البنات حسب رغبتهن.

 

photography by Ahmed Zaher

 

الموضوع اللي جاي

ملكة جمال المانجة.. مسابقة جديدة في محافظة الإسماعيلية

الموضوع اللي فات

المجلس الأعلى للإعلام: "مافيش مسلسل هو الأعلى مشاهدة"
Home
Home
خروجات النهاردة
حفلات لايف @ Breezes
أكل
10/20/2017
8:00pm - 12:0am
Ramses Hilton Hotel
برانش مصري @ Lammet Al Khal
أكل
10/20/2017
1:00pm - 5:00pm
InterContinental Citystars Hotel
ليلة عربي @ فندق سوفيتيل الجزيرة
رقص
10/20/2017
10:00pm - 2:00am
Sofitel El Gezirah Hotel
برانش @ ميراج كافيه
أكل
10/20/2017
12:00pm - 3:00pm
JW Marriott Hotel Cairo
وجبة غطار @ Lucca
أكل
10/20/2017
12:30pm - 6:00pm
Royal Maxim Palace Kempinski
BBQ Brunch @ Cairo Marriott
أكل
10/20/2017
1:00pm - 5:00pm
Cairo Marriott Hotel & Omar Khayyam Casino
 ساعة الحظ @ Sherlock Holmes Pub
بارات
10/20/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
10/20/2017
12:00pm - 12:0am
Ramses Hilton Hotel
Home
Home