• اكتب معانا
  • ماتنسناش
  • تابعنا
Home

الموضوع اللي جاي

مارثون دراجات للتعريف بمعالم القاهرة

الموضوع اللي فات

مسلسل "الحالة ج" عامل جوايز للي هيحل ألغازه

حوار مع مصري بيوثق حياة الطيور النادرة

سلسلة "طيور مصر" بتوثق للحياة البرية لأول مرة في مصر.
بنقرأ ونسمع مزيكا ونضحك ونعيط ونرقص ونغني ونهزر ونتخانق .. عشان في الاخر نكتب! لوالموضوع حلو ادينا نشرناه، ولو وحش محدش هيعرف مين كتبه ..

الشائع إن مصر بلد نصها صحرا مافيهاش زرع، ومافيش غابات، وعلشان كدة مافيهاش حياة برية، لكن الكلام ده مش صح، السبب الوحيد اللي مخلينا مش عارفين إن فيه نباتات وحيوانات متنوعة ونادرة، إننا ماجربناش نبص عليها، أو على الأقل ده اللي بيقوله المصور والمخرج أحمد الشيخ، واللي بدأ سلسلته الوثائقية علشان يعرض الطيور المصرية.

وثائقي الطيور المصرية بيععرض الحياة اليومية للطيور المختلفة في مصر. مصر فيها حوالي 489 نوع مختلف من الطيور، بيقول أحمد الشيخ: "إن مثلًا في حاجة في مصر اسمها الرفراف، اللي هو kingfishe، وموجود كتير جمب البحار أو النهر، لأنه بيطلق عليه كمان صائد السمك، وعندنا White-Throated kingfisher اللي عندها مجموعة ألوان مختلفة من الريش. أنا ممكن اتكلم عن 489 نوع فعلًا، لكن ده اللي هيحصل في السلسلة".

جت الفكرة دي لأحمد الشيخ لما جه في باله إن في جمهور كبير بيشوف سلسلة بي بي سي الوثائقية عن كوكب الأرض، ومافيش أي شخص حاول يوثق الحياة البرية في مصر. بيقول "الشيخ": "مافيش محتوى كويس في مصر للموضوع ده، حتى في برنامج العلم والإيمان اللي يعتبر الأشهر في المجال، استخدموا لقطات من برامج أجنبية". بيكمل المصور المصري ويقولنا "في سياح بيجوا مصر مخصوص علشان يتفرجوا على الطيور وأنا نفسي إن السلسلة دي ترفع الوعي عن حماية الحياة البرية وتخلينا نكتشفها أكتر".

أكبر التحديات اللي بيقابلها "الشيخ" هي صعوبة الحصول على تصاريح علشان يصور الحياة البرية، لأن فيه أماكن كتير ممنوع فيها التصوير، ورغم ده وزارة البيئة بتبذل جهد كبير علشان الوعي البيئي يزيد، بيقول "الشيخ": "أنا كنت بصرف على كل حاجة من فلوسي من غير أي دعم خارجي، لكن ردود أفعال الجمهور لما بشير الصور أو اعمل لايف كانت بتبقى عظيمة".

جمع لقطات الحياة البرية هو مغامرة ممتعة جدًا، بيقول "الشيخ": "مطاردة الطيور وتصويرها من غير ما يلاحظوا واستخبى واسأل السكان عن الأنواع وممكن ألاقيها فين؟ ده نوع من الصيد ونفس إحساسه بس من غير قتل ودم".

"الصيد غير القانوني في مصر بيقتل الحياة، يعني مثلًا كل بومة بتاكل حوالي 1000 من القوارض، قتل عدد قليل من البوم ممكن يخلي البلد كلها مليانة قوارض" ده اللي بيقوله "الشيخ"

وبحسب "الشيخ"، بتحاول السلسلة الوثائقية طيور مصر Birds of Egypt إنها تصور كل حاجة تخص الحياة البرية بأسلوب مصر.

 الصور كلها لـ أحمد الشيخ. 

علشان تعرف أكتر وتدعمه ممكن تزور الموقع

الموضوع اللي جاي

مارثون دراجات للتعريف بمعالم القاهرة

الموضوع اللي فات

مسلسل "الحالة ج" عامل جوايز للي هيحل ألغازه
Home
Home
خروجات النهاردة
Home
Home