• اكتب معانا
  • ماتنسناش
  • تابعنا
Home

الموضوع اللي جاي

10 مصورين مصريين صوّروا بعض ودي كانت النتيجة

الموضوع اللي فات

Lion.. الأسد التايه

كابتن ممدوح فرج وأسطورة الهوبا بوم دي دي تي

الميجا ستار والحب الأول وأسباب خناقاتي مع أبويا، كابتن ممدوح فرج
صحفي مصري. مُدمن كورة، بحب الثورة وليفربول، وبكره مانشيستر يونايتد

لما وصلات الدش دخلت كل بيت مصري، الشيخ صالح كامل ومجموعة ART خسروا مبالغ رهيبة، على النقيض اتحول ممدوح فرج لنجم، مش بس نجم، ممدوح فرج كان أيدول جيل كامل، اتربى على صوته وهو بيقول "بووم سلام" و"هوبا دي دي تي". حبيت اتكلم عن ممدوح فرج، مش اللي بحبه ولا اللي بكرهه، لكن حالة ممدوح فرج، هو احنا ليه حبينا ممدوح فرج؟!

  • يمكن كنا عاوزين بطل؟ هوليود كل سنة بتصدر للعالم بطل شكل، باتمان، سوبر مان، سبايدر مان، وحتى الشخصيات الحقيقية اللي بتعمل أفلام حركة، زي بروسلي وجاكي شان وفاندام.. إلخ. عندنا مفيش اللي يسد الفجوة دي، ماسدهاش يوسف منصور والشحات مبروك في التسعينات، ولا محاولات بعض الممثلين ركوب موجة أفلام الأكشن والكونغ فو، فدايما في مجال مفتوح لأي حد، سواء أحمد السقا أو ممدوح فرج، أو حتى محمد رمضان، ويا سلام لو كان واحد حقق إنجازات حقيقية، مش مجرد بطل سيما.
  • الوهم، الوهم صنعة، الحكومات في العالم مهمتها الرئيسية تصنع الوهم وتبيعه للناس، والناس اللي عاوزة بطل تنبهر بيه مش هيكون عندها مانع تصدق إن كابتن ممدوح كان بيتعشى إمبارح مع فينس مكمان في البيت، وكابتن ممدوح لعب مع كل المصارعين اللي في التلفزيون دول وكسبهم.

  • عالم جديد علينا، القناة التانية وبرنامج كابتن مصطفى أبو قمر على القناة السادسة، كان ليهم فقرة مصارعة حرة ثابتة كل أسبوع، لكن لا كنّا نعرف أسامي لاعيبة، ولا أسامي حركات، المصارعة اللي اتشهرت وارتبط اسمها بممدوح فرج كانت بالنسبالنا عالم جديد، وكابتن ممدوح هو المرشد السياحي اللي أنت ماسك إيده وبتتحرك معاه، ومافيش مانع يفشر عليك في نص الطريق كام فشرة، كدة كدة هتفضل فاتح بوقك ومنبهر.

  • خلق لنفسه سيناريو، أصلا المصارعة الحرة شو قايم بشكل رئيسي على السيناريوهات، ودمْجها مع مشاهد ولقطات خطرة، بيتدرب عليها المصارعين علشان يتقنوها بأقل خساير وأخطار، لكنها في الآخر سيناريو، ولو كنت ممدوح فرج وعاوز تقنع الناس إنك بطل العالم 5 مرات، فلازم يبقالك السيناريو الخاص بيك، وده اللي عمله كابتن ممدوح. كابتن ممدوح توّج نفسه بلقب مصارع القرن للعرب وأفريقيا، وعمل لنفسه حفلة واستلم كاس كده شبه اللي بيتباع في محلات العتبة، لما تدور في كل مواقع وبلوجات المصارعة مش هتلاقي أي اتحاد معروف عمل جايزة اسمها مصارع القرن للعرب وأفريقيا، ممكن متلاقيش حاجة عن ممدوح فرج أصلا، الراجل لعب في شوية اتحادات أوربية تعبانة غير معروفة، وكان بطلها فعلا، لكنه نجح يخلق لنفسه سيناريو قوي.

    علشان السيناريو يكمل لازم نشوف الراجل ده ع الطبيعة، لازم نشوفه بيلعب ويضرب ويكسر، فمافيش مانع يعرضلنا شوية ماتشات لعبها في أكاديمية الشرطة. كابتن ممدوح وصلت بيه إنه عمل برنامج بيستضيف فيه مصارعين، وفجأة الحوار بيقلب بخناقة بدون سبب، وكابتن ممدوح يرن المصارع الضيف علقة، وسط صيحات جمهور الحضور، ويكمل السيناريو، ويكبر ممدوح فرج في عينينا.

  • ادخل كل بيت، لو كنت ممدوح فرج فأنت ليك جماهيرية عريضة من الشباب والأطفال ونسب من كبار السن، بس أكيد الشهرة والشعبية دي هتنضرب في اتنين لما تبقى كمان نجم إعلانات وبتظهر ضيف شرف في مسلسلات، والأنيل تعمل فيلم من بطولتك. لما بتفرج على أداء كابتن ممدوح سواء كمقدم برامج أو ممثل أو نجم إعلانات، فالراجل كان كارثة، لا يتفوق عليه سوى الخليل الكوميدي مثلا، مع ذلك اسمه وصوته دخلوا كل بيت، وبرامجه احتلت جزء كبير من طفولتي وطفولة جيل كامل، أكيد دي شطارة منه، وأكيد ذوقنا اتغير واتحسن عن ما كنا أطفال، بس عادي يعني حاليا ممدوح فرج في ذمة الله، والمذيع بتاع قناة الحلبة بيقدم ليفل مبهر، وهيستقطب أجيال جديدة من البشر المقتنعين إن أندرتيكر تُربي، وأجيال ورا أجيال.

المقال ده مش ذمّ في ممدوح فرج، ولا حب فيه، هو مجرد عرض لشخصية ممكن تقول عنها زي ما تقول، لكن دايما هتفتكر خناقاتك مع أهلك في البيت، علشان هما عاوزين يتفرجوا ع التلفزيون اللي أنت واخده حصري لبرامج ممدوح فرج، الله يرحمه، لسه مش عارف ليه كنت بحب ممدوح فرج!

الموضوع اللي جاي

10 مصورين مصريين صوّروا بعض ودي كانت النتيجة

الموضوع اللي فات

Lion.. الأسد التايه
Home
Home
خروجات النهاردة
حفلات لايف @ Breezes
أكل
10/20/2017
8:00pm - 12:0am
Ramses Hilton Hotel
برانش مصري @ Lammet Al Khal
أكل
10/20/2017
1:00pm - 5:00pm
InterContinental Citystars Hotel
ليلة عربي @ فندق سوفيتيل الجزيرة
رقص
10/20/2017
10:00pm - 2:00am
Sofitel El Gezirah Hotel
برانش @ ميراج كافيه
أكل
10/20/2017
12:00pm - 3:00pm
JW Marriott Hotel Cairo
وجبة غطار @ Lucca
أكل
10/20/2017
12:30pm - 6:00pm
Royal Maxim Palace Kempinski
BBQ Brunch @ Cairo Marriott
أكل
10/20/2017
1:00pm - 5:00pm
Cairo Marriott Hotel & Omar Khayyam Casino
 ساعة الحظ @ Sherlock Holmes Pub
بارات
10/20/2017
6:00pm - 8:00pm
Ramses Hilton Hotel
غداء عمل @ مطعم مهراجا الهندي
أكل
10/20/2017
12:00pm - 12:0am
Ramses Hilton Hotel
Home
Home